Qazaxstanğa saqlaw öçen uran kiterdelär

Xalıqara atom ênergiyäse agentlığınıñ tübän däräcädä bayıtılğan urannarınıñ berençe öleşe saqlaw öçen Qazaxstannıñ xalıqara uran bankına kiterep citkerelde.  

İlneñ tışqı êşlär ministrlığınnan belderülärençä, Ust’-Kamenogorsk şähärendäge uran bankında atom-töş stanśiyäläre reaktorları öçen yağulıq xäzerläw maqsatı belän yuğarı cılılıqta gaz xälenä kiterelgän 90 metrik tonna uran saqlawğa quyılaçaq.

Xalıqara atom ênergiyäse agentlığınnan yasalğan belderüdä isä älege rezervnıñ ravioaktiv atıq bulmawı, keşelärgä häm tabiğat’kä zarar birmäyäçäge assızıqlana.  

Tübän däräcädä bayıtılğan uran bankı Qazaxstannıñ tözüçe ilbaşı Nursoltan Nazarbayev iniśiativası belän 2017nçe yılda açılğan ide.