Qırğızstan Süriyä häm Ğıyraqtağı watandaşların ilgä qaytara

Bu xaqtağı boyırıqnı ilbaşı Sooronbay Cäänbäkov birgän

17 Eylül 2019 13:01

 

Qırğızstan Süriyä häm Ğıyraqta suğış töbäklärendä yäşägän watandaşların ilgä qaytaru öçen êşkä kereşkän.

Milli iminlek däwlät komitetı beldergänçä, ilbaşı Sooronbay Cäänbäkov Süriyä häm Ğıyraqta suğış däwam itkän töbäklärdäge lager’larda qaluçı Qırğızstan watandaşların ilgä alıp qaytu öçen boyırıq birgän.

Bu êşçänlektä berençe çiratta balalar häm yäş’lärgä östenlek bireläçäk. Äti-äniläre tikşerü uzğannan soñ ilgä qaytarılaçaq.

Cinayät’ başqaruçılarnıñ balaların ğailälärdän alaçaqlar häm ilgä  qaytuçılar reabilitaśiyälänäçäk.  

Süriyä häm Ğıyraqta 500-1000 tiräse Qırğızstan watandaşı buluı farazlana.