Serbiya Ärmänstanğa qoral cibärgän
Serbiyäneñ bu adımı Ärmänstannıñ basıp alu säyäsäte häm Azärbaycannıñ cir bötenlegenä qarşı höcümnärenä teläktäşlek bularaq añlaşıldı
Serbiyanıñ Azärbaycan belän Ärmänstan arasında bäreleş barğan waqıtta Ärmänstanğa qoral cibärüe açıqlandı. Şul säbäple, älege slavyan däwläteneñ Azärbaycandağı wäkile Daniśa Veynoviçnı tışqı êşlär ministrlığına çaqırdılar.
Anı Azärbaycan tışqı êşlär ministrı urınbasarı Xaläf Xaläfov qabul itte. Ul Veynoviçqa Serbiyäneñ Ärmänstanğa artilleriya snaryadları häm törle kalibrdağı yädrälärdän toruçı zur külämdä qoral cibärüe turında ışanıçlı häm tikşerelgän mäğ’lümatkä iyä buluların belderde. Xaläfov Ärmänstannıñ 12nçe iyül’dä Tovuz töbägenä höcümnärendä kübräk artilleriya snaryadları qullanuın xäterlätte. Anda Azärbaycan armiyäseneñ 1 generalı, 11 ğaskäriye häm 1 grajdanlı hälaq buldı.
Xaläfov Azärbaycan belän Serbiyä arasında strategik xezmättäşlek kileşüe buluın iskä töşerde. Serbiyäneñ bu adımı isä Ärmänstannıñ basıp alu säyäsäte häm Azärbaycannıñ cir bötenlegenä qarşı höcümnärenä teläktäşlekne añlata. Xaläfov beldergänçä, duslarça bulmağan bu ğamäl Azärbaycan xalqı häm idaräsendä küñel qaytu häm ärnügä kiterde. Ul Serbiyädän älege mäs’älägä açıqlaw kertülären kötülären dä äytte.
Daniśa Veynoviç isä bu xäl belän bäyle mäğ’lümatı bulmawın häm wäzğıyät’ xaqında yuğarıdağılarğa citkeräçägen belderde.
