Törki Şura ênergetika ministrları cıyılışı

Törki telle illärneñ xezmättäşlek şurası (Törki Şura) ênergetika ministrları ênergetika ölkäsendä xezmättäşlekne arttıru qararına kilde

1590575
Törki Şura ênergetika ministrları cıyılışı

Onlayn bularaq oyıştırılğan Törki Şura ênergetika ministrlarınıñ berence cıyılışınnan soñ yasalğan yazma belderüdä Törkiyäneñ cıyılış kön tärtibendäge maddälärneñ qarap çığıluı öçen törkemçälärneñ tözelüe kereşüeneñ yaqlanuı äytelde.

Finansnıñ ênergetika ölkäsendäge möhimlegenä işara itelgän belderüdä xalıqara finans oyışmaları belän kiñäşmälärneñ oyıştırıluı fikereneñ quzğatıluı citkerelde.

Belderüdä yañartıla alınğan ênergiya ölkäsendä kiñ täcribäse bulğan Törkiyäneñ äğ’za illär belän täcribäsen urtaqlaşuı öçen uqıtu programmaların oyıştırırğa äzer buluı assızıqlandı.

Belderüdä taraflarnıñ neft’ häm gaz industriyäsendä xezmättäşlekne arttıru mäs’äläsendä teläkle buluına basım yasalıp, Qazaqstanğa nefteximiya êşlänmäläreneñ taratıluı öçen mexanizmnıñ qorıluı mäs’äläsendä tafsille êşçänlek başqarırğa täq’dim itelüe belderelde.

Qazaqstannıñ 2022nçe yılda ikençe cıyılışnı ütkärüne prinśipta qabul itüe äytelgän belderüdä taraflarnıñ ênergetika ölkäsendä xezmättäşlekne arttıru qararın qabul itüe citkerelde.

Cıyılışta Törki Şura Ğomum särkätibe Bağdat Amreyev, Törkiyä ênergetika häm tabiğıy çığanaqlar ministrı Fatih Dönmäz, Azärbaycan ênergetika ministrı Pärviz Şahbazov, Qazaqstan ênergetika ministrı Nurlan Nogayev, Qırğızstan ênergetika häm sänäğät ministrı urınbasarı Veronika İsayeva, Üzbäkstan ênergetika ministrlığı kiñäşçese Aziz Alimöxämmädov, Macarstan (Vengriya) tışqı êşlär häm säwdä ministrlığınıñ ênergetika häm klimat mäs’älälärennän cawaplı Säfire Dora Zombori qatnaştı.



Bäyläneşle xäbärlär