Törki Şura ênergiya öçen cıyıla
Törki telle illär xezmättäşlek şurasınıñ (Törki Kiñäşmäneñ) ênergetika ministrları ênergiya ölkäsendä xezmättäşlek maqsatınnan çığıp çärşämbe könne cıyılaçaq
Şuradan yasalğan yazma belderügä kürä, Törki Şura illäre iq’tisad, säwdä, sälamätlek saqlaw, mäğarif häm turizm kebek ölkälärdä urnaştırğan xezmättäşlekkä ênergetika mäs’äläsen dä östäyäçäk.
Bu qısada Törki Şura ênergetika ministrları çärşämbe könne berence märtäbä onlayn formatta oçraşaçaq.
Törki Şuranıñ çirattağı başlığı Azärbaycan ênergetika ministrı Pärviz Şahbazov belän Törki Şura ğomum särkätibe Baghdad Amreyevneñ açılış çığışın yasayaçaq cıyılışta Törki Şura illäreneñ ênergetika ölkäsendä yasıy alaçaq urtaq adımnar qarap çığılaçaq.
Cıyılışta ênergetikada xezmättäşlekneñ üsterelüendäge häm törleländerelüendäge häm töbäkara ênergiya êlemtäläreneñ yaxşırtıluındağı forsatlarğa qağılışlı fikerlär belän almaşılaçaq.
Törkiyä ênergetika häm tabiğıy çığanaqlar ministrı Fatih Dönmäz, Qazaqstan ênergetika ministrı Nurlan Nogayev, Qırğızstan ênergetika häm industriya ministrı Kubanıçbäk Turdubayev, Üzbäkstan ênergetika ministrı Alişir Sultanov häm Macarstan (Vengriya) innovaśiya häm texnologiya ministrlığınıñ ênergetika säyäsätennän cawaplı däwlät ministrı Attila Steiner dä cıyılışta çığış yasayaçaq.
Bäyläneşle xäbärlär
Ärmänstan belän Azärbaycan Qazaqstanda oçraşa
İke yaqnıñ tışqı êşlär ministrları Almata qalasında küreşep söyläşäçäk
