Törkiyä Üzbäkstannıñ Törki Şurağa kerüenä şat
Törkiyä Üzbäkstannıñ törki telle illär xezmättäşlek şurası Törki Şurağa tulı äğ’za bularaq kerüennän qanäğät’ buluın belderde
Tışqı êşlär ministrlığınnan yasalğan yazma belderügä kürä, Üzbäkstan Törki şuranıñ qoruçı dokumentı Näxçivan kileşüenä quşılu öçen kiräkle êçke raslaw barışın tämamladı.
Kerü dokumentınıñ Näxçivan kileşüeneñ "depozitorı" wazğiyätendäge Törkiyä tışqı êşlär ministrlığına citkerelüe assızıqlanğan belderüdä: "Bezneñ yağıbızdan da kiräkle êş barışı häm belderülär bügen tögällänep, bäyläneşle maddäse nigezendä Naxçivan kileşüe Üzbäkstan öçen 2019nçı yılnıñ 14nçe üktäbr’ könne ğamälgä keräçäk. Dus häm qardäş il Üzbäkstannıñ Törki Şurağa tulı äğ’za bulıp kerüe belän törki dönya êçendäge teläktäşlek, yärdämläşü tağın da nığıyaçaq, xalıqlarıbıznıñ urtaq mullığı häm isänlege öçen alıp barğan xezmättäşlegebez häm koordinaśiyäbez tağın da köçäyäçäk. Üzbäkstannıñ Törki Şurağa tulı äğ’za bulıp quşılaçağınnnan şat buluıbıznı tağın ber qat belderäbez”, - dip äytelde.
Bäyläneşle xäbärlär
Antaliyada - “Tuqay, quray, şiğır’”
Ğabdulla Tuqaynıñ tuğan köne uñayınnan Törkiyäneñ Antaliya şähärendä şiğır' kiçäse ütkärelä
