“Törkiyäneñ Tön’yaq Kiprğa ähämiyät birüen kürdek”

Baş ministr Tatar Törkiyädän qaytqanda Ärcan hawa mäydanında jurnalistlarğa säfäre belän bäyle bularaq açıqlawlar yasadı.

Törkiyä İlbaşı urınbasarı Fuat Oktaynıñ çaqıruı belän kiçä Änkarağa kilüen belderüçe Tatar Oktay häm Tışqı êşlär ministrı Mäwlüt Çavuşoğlu belän Tön’yaq Kipr Törek Cömhüriyäte belän bäyle iq’tisadi häm finans xezmättäşlek protokolı, yaña tör koronavirus “Kovid-19”dan soñğı çığanaq-resurs ağımı, 2021nçe yıl byudjetı êşçänlege öçen çığanaq ixtıyaclarınıñ bilgelänelüe häm Törkiyä öleşeneñ niçek bulaçağı turında söyläşülären citkerde.

Tatar, Däwlät başlığı Ärdoğan belän kiçä İstanbulda küreşep söyläşülären belderep: "Bu söyläşüdä Tön’yaq Kipr Törek Cömhüriyäteneñ êçendä bulğan şartlarda tağın da köçäyüe öçen nindi barışnıñ alıp barıluınıñ zarurlığına tuqtalıp uzdıq. Ärdoğan belän Oktayğa miña kürsätkän iğtibarları häm Tön’yaq Kipr Törek Cömhüriyätenä kürsätkän yärdämnäre öçen üzlärenä çın künelemnän räxmätläremne belderäm”,- dip äytte.

Säfäre waqıtında Könçığış Urta diñgez häm yabıq Maraş mäs’äläläre belän bäyle bularaq ta näticäle söyläşü ütkärülären assızıqlawçı Tatar Oktay häm Çavuşoğlu belän ber rättän İlbaşı Ärdoğannıñ bu mäs’älälärgä yaqın qızıqsınuın kürüen citkerde.

Tatar: "Tağın ber märtäbä Törkiyäneñ Tön’yaq Kipr Törek Cömhüriyätenä, Könçığış Urta diñgezdäge şuşı täräqqiyätlärgä bäyle bularaq ni qadär ähämiyät birüen kürdek. Törkiyä härwaqıt Tön’yaq Kipr Törek Cömhüriyätenä yaqlawın däwam itteräçäk. Tön’yaq Kipr Törek Cömhüriyäteneñ mullığı häm tağın da imin kiläçäk öçen närsä başqarıluınıñ zarur buluın qarap uzdıq. Bezneñ söyläşülärebez härwaqıtta da şuşılay buldı. Soñğı waqıtlardağı täräqqiyätlärgä bäyle bularaq bu tağın da kübräk ähämiyätkä iyä buldı”, - dip äytte.