“TurAz börkete 2019” urtaq xärbi künegüläre däwam itä

Azärbaycan häm Törkiyä hawa köçläreneñ “TurAz börkete 2019” isemle urtaq xärbi künegüläre däwam itä.

 Ul ike il arasındağı yıllıq xärbi xezmättäşlek planı qısasında 2 nçe sentyabr’dä başlanğan ide.

Künegülärneñ Azärbaycan koordinatorı polkovnik Faik Aliyev älege xärbi künegülär maqsatınıñ  ike tuğandaş il hawa köçläreneñ kiräk bulğan oçraqta urtaq xäräkät itärgä äzerlänüe buluın häm anıñ bik uñışlı uzuın belderde.

Xärbi künegülärdä ike ildän  F-16 , Mig-29, Su-25 xärbi oçqıçları, Mi-35, Mi-17 häm başqa xärbi boralaqlar qatnaşa.

Paqıstan hawa köçläre wäkilläre dä küzätüçe bularaq urın alğan künegülär 16 nçı sentyabr’gä qadär däwam itäçäk.