Üzbäkstan TÜRKPAğa äğ’za bulaçaq
Üzbäkstan TÜRKPA törki telle illärneñ Parlamentariy assambleyasına äğ’za bulu qararın qabul itte
Üzbäkstanda oçraşular ütkärüçe Qazaqstan, Qırğızstan häm Törkiyä xalıq ışanıçlılarınnan torğan TÜRKPA wäkillegen citäkläwçe “Ğadälät wä qalqınu” partiyasınıñ İstanbul xalıq ışanıçlısı İsmät Uçma häm yanındağı wäkillek Üzbäkstan Senatı başlığının berençe urınbasarı Sadık Safayev belän küreşep söyläşte.
Oçraşu waqıtında Törki Şurağa äğ’za illär belän Üzbäkstan arasındağı mönäsäbätlärneñ wazğiyäte belän Üzbäkstan parlamentı häm TÜRKPA arasındağı xezmättäşlekneñ üsterelüenä qağılışlı mäs’älälär quzğatıldı.
TÜRKPA wäkillegen citäkläwçe Uçma söyläşü waqıtında, Üzbäkstannıñ uzğan çaqlarda bulğanı kebek bügen dä törki dönyada ayırım urınğa iyä buluın iskärtep uzıp, TÜRKPA bularaq Üzbäkstan belän här ölkädäge mönäsäbätlärne üsterergä teläwlärenä basım yasadı.
Safayev ta, Üzbäkstannıñ Törki Şura belän mönäsäbätlärneñ üsterelüenä ayıruça ähämiyät birlären bilgeläp uzıp, bu qısada Üzbäkstan parlamentınıñ TÜRKPA belän êlemtälärne tağın da kübräk üsterü niyätendä buluın äytte.
İleneñ kiläse çorda TÜRKPAğa äğ’za bulunı küz aldında totuına basım yasawçı Safayev: "Üzbäkstan TÜRKPAğa äğ’za bulu mäs’äläsendä qarar qabul itte”, - dip belderde.
