“Üzbäkstannan tağın da kübräk studentnıñ Törkiyädä belem aluın telibez”

 Çit illärdä yäşäwçe töreklär häm tuğandaş cämğiyät’lär  räislege başlığı Abdullah Ärän Üzbäkstannan tağın da kübräk studentnıñ Törkiyädä belem aluı kiräklegen belderde.

Ärän häm yanındağı wäkillekne Taşkenttağı oçraşuları qısasında Üzbäkstan yuğarı belem ministrı İnam Mäcidov qabul itte.

Älege oçraşuda Abdullah Ärän Mäcidovqa Törkiyä stipendiyäläre programması xaqında mäğ’lümat birde.

 Ul Üzbäkstan belän mäğarif tarmağındağı mönäsäbätlärne kamilläşterergä teläwlären, Törkiyädä 170 ildän 170 meñ xalıqara studentnıñ yuğarı belem aluın ,alardan 16 meñeneñ Törkiyä stipendiyäse aluın belderde.  

Ärän Törkiyä stipendiyäläre programması öçen bıyıl 170 ildän 150 meñ keşe möräcäğät’ itüen, kiläse yıllarda yuğarı belem ministrlığı belän urtaq tanıtu êşçänlekläre başqarıp Üzbäkstannan möräcäğät’ sanın häm stipendiyäle belem aluçı student sanın arttırunı maqsat itep quyuların citkerde.

Çit illärdä yäşäwçe töreklär häm tuğandaş cämğiyät’lär räislege başlığı Abdullah Ärän Törkiyädä xäzerge waqıtta 150 se stipendiyäle bulu belän bergä 1000 nän kübräk üzbäkstanlı studentnıñ belem aluın xäterlätep ,”Üzbäkstannan tağın da kübräk keşeneñ Törkiyädä yuğarı belem aluın telibez”dide.

Üzbäkstan yuğarı belem ministrı Mäcidov ta Törkiyä stipendiyäläre programmasınıñ dönyanıñ iñ kiñ qırlı stipendiyäläre arasında urın aluın ,Üzbakstan yäş’läreneñ Törkiyädä belem aluın teläwlären assızıqladı.

Oçraşuda Üzbäkstan belän Törkiyä arasında yuğarı belem alu tarmağında xezmättäşlek başqaru mäs’äläsendä kileşü täêmin itelde.