Üzbäkstannıñ tışqı säwdä küläme artqan

Üzbäkstan däwlät statistika komitetı beldergänçä, 189 il belän säwdä başqaruçı Üzbäkstannıñ tışqı säwdä küläme bıyılnıñ 10 ayında uzğan yılnıñ şul uq çorı belän çağıştırğanda 34,4 %qa artıp 34 milliard 700 million dollar täşkil itkän.

Älege däwerdä ilneñ tışqı säwda defiśitı 5 milliard 100 million dollar bularaq terkälgän.

Bıyılnıñ ğınwar – oktyabr’ aylarında Üzbäkstan iñ küp tışqı säwdä başqarğan il – Qıtay.

Bu isemlektä ikençe urında Rusiya, öçençe urında Qazaqstan , dürtençe urında Kön’yaq Koreya, bişence urında Törkiyä tora.

Üzbäkstan êksportında ênergiya häm neft’ êşlänmäläre, tekstil’ häm azıq - tölek produkśiyäläre, altın, tösle häm timer metallar tarmaqları alğı planda tora.