Xalıqara tekstil’ konferenśiyäse Üzbäkstanda başlandı

Taşkentta başlanğan Global’ tekstil’ könnäre çarası qısalarında oyıştırılğan 2nçe Xalıqara tekstil’ konferensiyäsendä dönyanıñ 20gä yaqın ilennän 100dän kübräk räsmi zatlar häm belgeçlär qatnaştı.

Konferenśiyäneñ açılışında çığış yasawçı Üzbäkstan Baş ministr urınbasarı Älyar Ganiyev moña xätle mamıq çimalın êksportlawçı Üzbäkstannıñ monnan arı tekstil’ tarmağın üsterep häm zur investiśiyälär kertep, tekstil’ tarmağınnan möhim öleş alırğa tırışuın äytte. İldä kapital saluğa häm êş şartlarınıñ yaxşırtıluına bik zur ähämiyät birülären assızıqlawçı Ganiyev monıñ näticäsendä tekstil’ tarmağınıñ ildäge iñ küp aqça salınğan häm êksport yasalğan sektor bulu uñışına ireşüenä basım yasadı.

Soñğı 3 yılda tarmaqnıñ üsterelüenä qağılışlı êşçänlek näticäsendä êşläp çığarılğan mamıq miqdarın 2016nçı yıldağı 400 meñ tonna külämennän uzğan yıl 800 meñ tonnağa citkerülärenä iğ’tibarnı yünältüçe Ganiyev: "Bıyıl tekstil’ êşlänmäläre êksportın 2 milliard dollarğa, tarmaqqa salınğan kapital miqdarın isä 500 million dollarğa citkerüne maqsat itäbez”, - dip äytte.