Äfğanstanda NATO höcümendä poliśiyä xezmätkärläre ülde

Äfğanstannıñ kön’yağındağı Xelmand töbägendä NATO quätläre oyıştırğan hawa höcümendä 8 poliśiyä xezmätkäre ülde.

Äfğanstan êçke êşlär ministrlığınnan yasalğan belderüdä äytelgänçä, Taliban äğ’zaları poliśiyä bülegenä qorallar belän höcüm itkännän soñ ike arada bäreleş çıqqan. NATO quätläre iminlek köçlärenä yärdäm yözennän cirlektä hawa höcüme oyıştırğan. Anda 8 poliśiyä xezmätkäre ülgän, 15e yaralanğan.

Belderüdä bik küp sanda terrorçınıñ da üterelüe assızıqlana.

Höcüm belän bäyle tikşerü başlandı.

Şul uq waqıtta, Xelmand töbäge şurası citäkçese Ataullax Afgan NATO quätläreneñ hawa höcümendä 17 iminlek xezmätkäreneñ hälaq buluın alğa sörde.