Aq Yort belän telekanal arasındağı däğ'wa

Advokatlar süz irege turındağı maddäneñ Aq Yortqa kerergä xoquq birmäwen äytä

1088197
Aq Yort belän telekanal arasındağı däğ'wa

AQŞ idaräse hiçber jurnalistnıñ Aq Yortqa Töp qanundağı 1nçe maddäne qullanaraq kerü xoquqı bulmawın belderde. Bu CNN telekanalınıñ ilbaşı Donal’d Tramp häm anıñ tiräsendäge 6 räsmi zatqa qarata açqan däğ’wasına qarşı äytelde. AQŞ Yustiśiyä ministrlığı advokatları kanalnıñ älege maddägä tayanıp ğayepläwen tänqıyt’läde.

İlneñ konstituśiyäsendäge 1nçe maddä fiker häm süz iregenä basım yasıy.

Süz uñayınnan, Amerikada xökümät yaqlı xäbärlär belän tanılğan FOX kanalı da CNNğa teläktäşlek kürsätte.

İsegezgä töşeräbez, matbuğat cıyılışlarında uñaysız sorawlar birüe belän tanılğan xäbärçe Djim Akostanıñ Aq Yortqa kereş kartası ğamäldän çığarıldı. Şunnan soñ, CNN kanalı Tramp häm yuğarı däräcäle 6 zatqa qarata däğ’wa açtı. Anda Aq Yortqa kerü kartasınıñ alınuı Töp qanunnıñ 1nçe häm 5nçe maddälärenä qarşı kilä dip äytelä.  

Aq Yortta Kongress saylawlarınnan soñ oyıştırılğan matbuğat cıyılışında Akosta belän Tramp arasında kiyerenkelek buldı. İlbaşı jurnalistqa: “CNN sine êşlätüe öçen oyalırğa tiyeş. Sin dorfa häm mesken keşe,”-dide.
 



Bäyläneşle xäbärlär