AQŞtan Süriyägä humanitar yärdäm
Süriyägä 720 million dollarlık yärdäm kürsäteläçäk
1497201
Amerika Quşma Ştatları däwlät särqätibe Mayk Pompeo AQŞ citäkçelege bularaq Süriyägä 720 million dollar êkstra humanitar yärdäm kürsätäçäklären citkerde.
Pompeo qarar belän bäyle yazma açıqlaw yasap, Berläşkän Millätlär Oyışması Ğomüm şurasında oyıştırılğan yuğarı däräcäle cıyılışta iñ küp humanitar yärdäm kürsätkän 10 il belän oçraşuların belderde.
Pompeo bu yärdäm belän bergä AQŞ Süriyägä kürsätkän yärdämneñ barlığı 12 milliard dollarğa citüen açıqladı.
Yärdäm paketınıñ Törkiyä, Yordaniya, Livan, Ğıyraq häm qalğan illärdäge Süriyäle qaçaqlarnı da üz êçenä aluın beldergän Pompeo yärdämneñ iñ küp ixtıyac iyälärenä ireşüe mäs’äläsendä tırışlıq kürsätülären citkerde.