Asteroidta su barmı?

Yaponiyä tarafınnan Ryugu asteroidına cibärelgän Hayabusa2 ğaläm apparatı anda sunıñ barlığına işarät itüçe minerallar taptı. Ägär bu ürnäklär Cirdäge sunıñ izotopları belän oxşaş quşılmalarğa iyä bulsa, asteroidta sunıñ barlığı turındağı farazlar döres bulıp çığa. Xäzergä ğaläm apparatınıñ infraqızılğa yaqın spektrometrı Ryugunıñ öslegendä gidroksil quşılğan minerallar barlığın ğına açıqladı.  Älege qıyataş ürnäklärendä, ber ük waqıtta, canlı yäşämneñ nigez taşların täşkil itüçe organik matdälärneñ dä buluı bar.  

Yaponiyäneñ ğaläm tikşerenü agentlığı monnan alda Hayabusa2neñ 5nçe aprel’dä asteroid öslegenä 2 kilogramm şartlatqıç atıp krater yasayaçağın beldergän ide. Bu qoyaş yäisä ğaläm nurları kürmägän tağın da tirän cir astı ürnäklären cıyu öçen kiräk.  

Hayabusa2 - 22nçe fevral’dä Cirdän yaqınça 300 million kilometr yıraqlıqtağı asteroidqa töşep utırdı. Anıñ Qoyaş sistemasınıñ barlıqqa kilüen yaqtırtaçaq ürnäklär cıyıp kire qaytuı kötelä.