Atamannarnı belüçegä büläk

Amerika Quşma Ştatları Däwlät departamentı El Kaide terror oyışmasınıň qayber citäkçelären tabarğa bulışaçaq keşelärgä 5 million dollar külämendä aqçalata büläkneň bireläçägen citkerde.

Däwlät departamentı terror oyışması atamannarınnan Abdülkerim el Masri, Faruk el Suri häm Sami el Uraydineň urınnarın tabar öçen täqdim itelgän büläkkä qarağan yazma açıqlaw yasadı.

Açıqlawda yıllar buyı El Kaidedä toruçı häm oyışma atamanı Eymen el Zevahirigä tuğrı bulğan bu şäxeslärdän Misır watandaşı el Masrineň Süriyädäge El kaide belän xezmättäşlek, “Xurras al-Din” isemle oyışma belän el Nusra frontı arasında aradaşçılıq wazifasın başqaruı belderelde.

Süriyä watandaşı bulğan Faruk el Sürineň El Kaidegä quşılğan suğışçılarğa belem birüe, Yordaniya watandaşı Sami el Uraydineň dä monnan alda AQŞ häm İzrailğa qarşı oyıştırılğan höcümnärdä qatnaşuı, xäzer “Xurras al-Din” oyışması öçen êşläwe citkerelde.

AQŞ däwlät departamentı açıqlawında bu şäxeslär turında mäğlümat biräçäk keşelärgä räsmi zatlar belän êlektron poçta yäisä telefonnan êlemtägä kerergä çaqıru yasaldı, här şäxes öçen 5 million dollarlık aqçalata büläkneň bireläçäge belderelde.