Awrupa Berlegenä kitüçe ukrainalılar

Rusiyäneñ höcümnäre başlanğannan son illärennän çığıp Awrupa Berlegenä kitkän ukrainalılarnıñ sanı 6,3 millionğa citte.  

Awrupa Berlegeneñ çik saqlaw agentlığı Frontextan yasalğan belderügä qarağanda, ukrainalılar üzlärennän genä tügel, Moldova arqılı da kerä.

Ukrainalılarnıñ kübese Pol’şağa sıyınğan. Anda 3 million 400 meñ ukrainalı barlığı belderelä. Şulay uq alar Rumıniyä (1,8 million), Vengriyä (650 meñ) häm Slovakiyägä (420 meñ) kerde.

Soñğı könnärdä Ukrainağa kerüçelär sanında artu küzätelä. 24nçe fevral’dä suğış başlanğannan birle ilgä 2 million keşe kergän. Bolarnıñ yartısı Ukraina watandaşları.  

Sonğı 10 köndä Awrupa Berlege çiklärennän Ukrainağa kerüçelärneñ sanı köndälek 32 meñgä citte.

Süz uñayınnan, Ukraina watandaşları Awrupa Berlege däwlätlärenä vizasız kerä ala.