Bayden Soğud Ğaräbstanına ni diyäçäk?

Comğa könne AQŞ küzläw oyışması Jurnalist Cämal Qaşıqçını üterügä täxet prinśınıñ rizalıq birüe xaqında xisap birde

1592147
Bayden Soğud Ğaräbstanına ni diyäçäk?

Amerika Quşma Ştatları ilbaşı Bayden ilneñ küzläw oyışmasınıñ jurnalist Cämal Qaşıqçınıñ üterelüe xaqındağı xisabın tıñlağannan soñ Soğud Ğaräbstanı belän bäyle belderü yasayaçağın äytte. Ul Aq Yort işegaldında matbuğat wäkilläreneñ sorawlarına cawap birde. Baydennan Soğud Ğaräbstanınıñ täxet prinśı Möxämmät bin Sälmanğa cäza bilgeläw xaqında soradılar. “Soğud Ğaräbstanı belän bäyle tulayım närsä êşläyäçägem turında düşämbe könne iğ’lan itäçäkmen,”-dide AQŞ ilbaşı.

İlneñ milli küzläw mödirlegeneñ comğa könne täq’dim itelgän häm Qaşıqçını üterügä Sälmannıñ rizalıq birüen raslawçı xisabı zur şaw-şu quptardı.

“Washington post” gazetınıñ yazuçısı Cämal Qaşıqçı Soğud Ğaräbstanı täxet prinśı Möxämmät bin Sälmannı tänqıyt’läwe belän bilgele ide. Ul 2018nçe yılnıñ 2nçe oktyabrendä Soğud Ğaräbstanınıñ İstanbuldağı konsullığına kerde häm kire çıqmadı. Anıñ konsullıqta üterelüe häm gäwdäseneñ kisäklärgä bülenüe bilgele buldı.



Bäyläneşle xäbärlär