"Bolton miña ayaq çala ide"
Tramp êlekkege milli qurqınıçsızlıq kiñäşçesen yamanlap beterä almıy
AQŞ ilbaşı Donal’d Tramp êşennän çığarılğan Aq Yort milli qurqınıçsızlıq kiñäşçese Djon Bolton turında: “Ul miña ayaq çala ide,”-dide.
Tramp räsmi Twitter xisabınnan Florida senatorı Marko Rusionıñ süzlären dä citkerde. Ul: “Äle genä ilbaşı Tramp belän söyläştem. Êlekkege kiñäşçese Boltonnıñ qayber fikerlärenä quşılmawı döres, ämma ilbaşı miña anıñ bik küp mäs’älädä gel kiresen uquın äytte,”-dip beldergän ide.
Tramp Venesuêla häm, ayıruça, Kuba mäs’äläsendä fikerläreneñ Boltonnıqınnan tağın da köçle buluın, ämma kiñäşçeseneñ aña kirtä quyuın söyli.
Bilgele bulğança, Djon Bolton sişämbe könne wazıyfasınnan kitte. Anıñ Venesuêla häm İran mäs’äläsendä Tramp belän qapma-qarşı fikerdä buluı bilgele.
Tramp çärşämbe könne Aq Yortta yasağan belderüendä Boltonnıñ Tön’yaq Koreya öçen Liviyä modelen täq’dim itüen äytte. Ul monı faciğa bularaq bäyäli. “Kim Çen Innı bu täq’dimnän soñ söylägän süzläre öçen ğayepli almıym. Ul Djon Bolton belän berni êşlärgä telämäde”,-dide Tramp.
Bäyläneşle xäbärlär
Germaniyadä pıçaqlı höcümçe dähşäte
Universitet kitapxanäsenä salqın qoral belän kergän 31 yäş’lek şäxes täêsirsez xälgä kiterelde
