Êfiopiyada êtnik bӓreleşlӓr

Êfiopiyaneñ Oromiya vilayӓtendӓ ike êtnik törkem arasında çıqqan bӓreleştӓ 13 keşeneñ ğomere özelde.

İl matbuğatında çıqqan xӓbӓrlӓrdӓ Oromo hӓm Somali êtnik törkemnӓre arasında çıqqan bӓreleşlӓrdӓ 25 keşeneñ dӓ yaralanuı belderelde.

Xӓbӓrlӓrdӓ yözlӓrçӓ keşeneñ qurqudan öylӓren taşlap kitüe citkerelde.

İlneñ Oromiya vilayӓtendӓ qaywaqıt etnik bӓreleşlӓr küzӓtelӓ.

Soñğı itep uzğan aynı vilayӓtkӓ bӓyle Bune Bedele töbӓgendӓ Amhara hӓm Oromo êtnik törkemenӓ ӓğza qayber keşelӓr ber-bersenӓ höcüm itkӓn, waqiğalarda 11 keşe yaqtı dönyadan kitkӓn ide.

Oromo hӓm Amhara xalqı ilneñ iñ zur etnik törkemnӓre bulıp tora.