Floridada rekord - 1 köndä 15 meñ yoqtıruçı

Könbatış däwlätlärendä koronavirus belän bäyle soñğı sannar

1453890
Floridada rekord - 1 köndä 15 meñ yoqtıruçı
süper Covid-19
SÜPER FOTO ispanya koronavirüs.jpg

Dön’yada koronavirus arqasında ğomere özelüçelär sanı 571 meñ 670tän, yoqtıru oçraqları 13 millionnan arttı. Sawığuçılar 7 million 588 meñ.

Kizüneñ xäzerge üzäge sanaluçı AQŞta ülüçelär sanı 138 meñgä citte. Floridada soñğı täwlektä 15 meñ yaña yoqtıruçı terkälde häm ul iñ küp köndälek oçraq kürelgän ştat buldı. İkençe urında - Kaliforniya. Anda ber köndä 11 meñ 694 oçraq terkälde.

Braziliyädä ber köndä 631 keşe ülgännän soñ Kovid-19 säbäple ğomere özelüçelär sanı 72 meñ 100gä citte. Yoqtıru oçraqları 24 meñ 831gä arttı häm 1 million 864 meñ 681 buldı.

Kizüneñ Awrupadağı märkäze sanaluçı Angliyada Kovid-19 soñğı 1 köndä 21 keşeneñ ğomeren aldı. Ülüçelär sanı 44 meñ 819ğa citte. Yoqtıru oçraqları 650gä arttı häm 289 meñ 603 buldı.

İspaniyädä soñğı mäğ’lümatlar 10nçı iyül’dä belderelgän ide. Anda ülüçelär sanınıñ 28 meñ 403kä citüe, yoqtıru oçraqlarınıñ 253 meñ 908 buluı äytelde. Sälamätlek saqlaw ministrlığı Kataloniya avtonom töbägendä Kovid-19dan xäzergä qadär 5 meñ 675 keşeneñ ğomere özelüen citkerde. Ämma töbäk xökümäte bu sannıñ çınlıqta 2 tapqır zurraq buluın alğa sörä. Avtonom cirlektä koronavirus oçraqları artu säbäple, qayber toraq punktlarda karantin kertelde.  



Bäyläneşle xäbärlär