Ğazzädäge faciğa onıtılmasın

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell İzrailneñ Ğazzädäge höcümnäre kiterep çığarğan cimerekleklärneñ İkençe Bötendön’ya suğışı waqıtında Germaniyä şähärlärendä bulğannardan uzıp kitüen äytte. Ul Awrupa Parlamentında İzrail armiyäseneñ gumanitar yärdäm xezmätkärlären, jurnalistlarnı häm tınıç xalıqnı üterüe belän bäyle utırışta çığış yasadı.

Borrell Yaqın Könçığıştağı xällärneñ region öçen “borılış noqtası” üzençälegendä buluın belderde. Ul İran belän İzrail arasında artqan kiyerenkelekneñ Ğazzädäge faciğanı onıttırmasqa tiyeşlegen assızıqlıy.

Borrell Ğazzädä kübese xatın-qız häm bala 34 meñnän artıq keşeneñ ğomere özelüen häm xalıqnıñ 75%ınıñ yäşägän cirlärennän quıluın xäterlätte, monnan tış, balalarnıñ açlıqtan ülä başlawın, asqormanıñ 60%ınnan artığınıñ zıyan kürüen häm 35%ınıñ tulısınça yuq itelüen söyläde.