“İdlibtä kiñ qırlı xärbi höcüm 21 nçe ğasırnıñ iñ zur tragediyäse bulaçaq”

 Berläşkän Millätlär Oyışmasınıñ humanitar êşlärdän cawaplı ğomum särqätip urınbasarı Mark Loukok İdlibtä kiñ qırlı xärbi höcümneñ 21 nçe ğasırnıñ iñ zur tragediyäse bulaçağın belderde.

BMO iminlek şurasında çığış yasağan Loukok soñğı 3 atnada İdlibkä höcümnärneñ artuın häm monıñ borçuğa saluın citkerde.

Ul soñğı 3 atnada İdlibkä oyıştırılğan höcümnärdä 160 qa yaqın keşenen ğomere özelüen , kim digändä 180 meñ keşeneñ yäşägän cirlären taşlap kitärgä mäcbür buluın belderde. Älege keşelärdän kübese lagerl’larğa urnaşsa da 80 meñnän kübräk keşeneñ yotrsız-cirsez buluın assızıqladı.

Törkiyäneñ BMOdağı daimi wäkile Färidun Sinirlioğlu da üz çığışında İdlibkä qarata kiñ qırlı xärbi höcümneñ humanitar fäläkät barlıqqa kiteräçägen kisätep, İdlib kileşüe belän xäzergä qadär bu tragediyäneñ totqarlanuın häm millionnarça keşeneñ iminlege öçen kileşüne saqlaw kiräklegen assızıqladı.

Sinirlioğlu:” İdlibtä rejimnıñ soñğı höcümnäre yöz meñnärçä keşene yortsız-cirsez qaldıra ala,bu xäl isä Törkiyä, Awrupa häm başqalar öçen iminlek häm humanitar risk barlıqqa kiterä. BMO iminlek şurası humanitar fäläkätne buldırmıy qaludan cawaplı. Êşkä kereşü waqıtı citte . Monıñ öçen berdämlek häm qıyulıq kiräk. Süriyä xalqın rejim insafına qaldıra almıybız”,-dide.