İranda yalğan araqı êçep ülӓlӓr
Alarnıñ sanı 320 gä citkän
İranda koronavirustan saqlawı turındağı imeş -mimeşlӓrgӓ ışanıp yalğan araqı êçü artqannan soň annan ağulanıp ülüçelӓr sanı 320 gӓ citkӓn.
İran sӓlamӓtlek saqlaw ministrı süzçese Kiyanuş Cihanpur beldergӓnçӓ, 6 nçı marttan birle il külӓmendӓ 3 meň 177 keşe yalğan araqıdan ağulanıp xastaxanӓlӓrgӓ mörӓcӓğӓt’ itkӓn.
Süzçe ӓytüençӓ, alardan 1066 sı xastaxanӓdӓ dӓwalana , 73 e reanimaśiyӓdӓ.
Cihanpur yalğan isertkeç êçemlektӓn bügenge köngӓ qadӓr 320 keşeneň yaqtı dönyadan kitüen , 62 keşeneň kürü sӓlӓten yuğaltuın citkergӓn.
İldӓ yalğan araqı êşlӓwçe şaqtıy keşe qulğa alınğan, monıň belӓn bӓyle oyıştırılğan operasiyӓlӓrdӓ yöz meňnӓrçӓ litr spirtlı êçemlek qulğa töşerelgӓn.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy