Kolumbiyädä Sinovaknı maqtıylar

Kolumbiyä sälamälek saqlaw ministrı Fernando Ruis Gomes üzläre qullanğan Qıtay vakśinası Sinovaknıñ saqlaw däräcäseneñ yuğarı buluın belderde. Anıñ äytüençä, preparat 80 yäş’tän ölkän keşelär arasında koronavirustan ülü oçraqların kimetkän.

Ruis xalıqnı küp keşele cıyılışlar häm massaküläm çaralardan yıraq bulırğa çaqırdı. “Yoqtıru häm ülem oçraqlarınıñ artuına soñğı waqıtlarda cämäğat’çelek xäräkätlelegeñ üsüeneñ zur täêsire bar,”-dide ul.

Sälamätlek saqlaw ministrlığınnan belderülärençä, ildä koronavirustan ülüçelärneñ sanı 101 meñ 302gä citte. Yoqtıru oçraqları 3 million 997 meñnän, sawığuçılar 3 million 714 meñnän arttı.

Kolumbiyädä kizüdän iñ nıq zarar kürgän cirleklär arasında Bogota häm Antiokiya töbäkläre alda bara.

İldä xäzerge waqıttağı aktiv awırtu oçraqları 168 meñ 800dän artıq. Reanimaśiyälärneñ tulılıq däräcäse 85-90%.