Kön'yaq Koreya Ormuz buğazına xärbilär cibärä

Alar piratlardan saqlayaçaq.

1344393
Kön'yaq Koreya Ormuz buğazına xärbilär cibärä

Kön’yaq Koreya xäzerge waqıtta Aden qultığında xezmät itüçe flotına östämä köçlär cibärü qararı çığardı. Alar piratlar belän köräşü maqsatınnan Ormuz buğazında urnaşaçaq. Bu xärbilär AQŞ citäkçelegendäge koaliśiyägä quşılmayaçaq, barı buğazda Kön’yaq Koreya köymälären häm watandaşların saqlayaçaq.

Yaponiyä xökümäte räise Abe Şinzonıñ 2019nçı yılnıñ 13nçe iyünendä Tähranğa säfäre waqıtında Omman qultığında Yaponiyä belän Norvegiyäneñ 2 tankerına höcüm oyıştırılğan ide. Anda İran belän AQŞ ber-bersen ğayepläde.

Amerika xökümäte diñgezdä säfär itüçelärneñ qurqınıçsızlığın täêmin itü öçen cirlektä xalıqara koaliśiyä tözü iniśiativası belän çıqtı. Aña, Angliyädän tış, barlıq Awrupa däwlätläre tiskäre cawap birde. Awrupa Berlege belän Yaponiyä regionğa ayırım räweştä flot köçe cibäräçägen belderde.



Bäyläneşle xäbärlär