Kongoda mpox (maymıl çäçäge) kizüe başlandı
Virus ilneñ 5 töbägendä oçrıy
Kongo cömhüriyätendä başqala Brazzavill’ne dä kertep 5 töbäktä mpox (maymıl çäçäge) awıruı oçrağı terkälgännän soñ kizü iğ’lan itelde.
Sälamätlek saqlaw ministrı Gilbert Mokoki ildä 19 keşedä çir açıqlanuın belderde. Älegä qadär berkem dä ülmägän. Ministr xalıqnı şöbhäle oçraqlar häm xaywannar belän kontakttan çitläşergä çaqırdı.
Êndemik virus kiterep çığarğan siräk awırulardan berse bularaq bilgele mpox Kongo häm Könbatış Afrika törlärenä ayırıla. Ul ğadättä xaywannardan - keşelärgä, bik siräk kenä keşedän keşegä yoğa. Bilgeläre - yuğarı temperatura häm gäwdädä qıçıta torğan qabarçıqlar.
Bötendön’ya sälamätlek saqlaw oyışması 2023nçe yılnıñ 28nçe noyabrendä, stereotiplar häm rasaçılıqtan qaçu öçen, virusqa “maymıl çäçäge” urınına “mpox” ataması birelüen citkerde.
