Kongoda poyezd qazası

Kongo demokratik cömhüriyäteneñ kön’yaq-könçığışında yulçı poyezdı qazağa yulıqqan.

İlneñ humanitar êşlärdän cawaplı ministrı Stiv Mbikayi qazanıñ Tangan’ika külenä yaqın cirdä barlıqqa kilüen , poyezdnıñ rel’stan çığıp qaplanuın,berençe mäğ’lümatlarğa kürä faciğada kim digändä 50 keşeneñ ğomere özelüen beldergän.

Ministr qazada ğomere özelgän keşelär ğailäläreneñ qayğısın urtaqlaşqan häm yaralanğan keşelärgä şifalar telägän.

İldä mart ayında da 3 yök poyezdı qazası barlıqqa kilgän bulğan.

Kongo demokratik cömhüriyätendä rel’slarnıñ iske buluı häm timer yullardağı qazalar şaqtıy keşeneñ ülemenä säbäp bula.