Koronavirustan soñ psixik problemalar qala

Koronavirus kiçergän şaqtıy keşeneñ küpmeder waqıt psixologik problemaları saqlanuı açıqlandı.

N’yu-Yorktağı Mount Sinai xastaxanälärendä däwalanğan Kovid-19 awıruları belän tikşerenü ütkärelä. Alarnıñ 24%ınıñ “ozın kovid” dip ataluçı simptomnarğa iyä buluı häm terelgännän soñ aylar ütkäç tä sälamätleklärendä problemaları barlığı kürenä. Koronavirustan qotılıp 7 ay häm tağın da kübräk waqıt uzsa da, paśiyentlarda xäter, küpsanlı wazıyfanı başqaru, uylaw tizlege häm iğ’tibarnı tuplaw şikelle psixik sälätlärdä qıyınlıq çigüläre bilgele buldı.

Awırularda iñ yış oçrıy torğan problema – yaña xatirälär buldıra almaw häm êlekkegelären iskä töşerä almaw.

Tikşerenüçelär ozaq waqıtlı psixik problemalarnıñ awırularnıñ yäş’läre häm çirneñ köçe belän bäyläneşle bulmawın belderä. Alar psixik sälät testlarınıñ Kovid-19lılarnı qarawnıñ standartı xälenä kiterelüen kiñäş itä.

Tikşerenüdä qatnaşuçı tabib İgor’ Koral’nik koronavirusnı ciñelçä kiçergän yäş’lärdä bu problemanıñ nigä päyda buluın häm qayçan rätlänäçäklären belmäwlären, tik qayber xastalarnıñ psixologik problemalar arqasında üzlären qarıy almayaçaq xälgä kilülären söyläde.