Kuba Braziliyädäge tabibların kire çaqıra
Jair Bolsonaru alarnı kimsetüçe süzlär äytkän
Kuba xalıq sälamätlege ministrlığı Braziliyädä däwam itüçe “Tabib programması”nnan çığuların belderde. Ul ildäge kubalı 11 meñ doktornı kire çaqıraçaqlar. Bu qarar oktyabr’ ayında Braziliyädäge ilbaşı saylawlarında ciñgän uñçı Jair Bolsonarunıñ yanawçı häm kimsetüçe süzlärennän soñ birelde. Ul ildäge kubalı tabiblarnıñ belemnären soraw astına quyıp, diplomnarın yañadan tikşeräçägen häm alarğa yana şartlar quyaçağın söyläde.
Kuba xalıq sälamätlege ministrlığı 5 yıl däwam itüçe programma qısalarında kubalı tabiblarnıñ yaqınça 113 million yarım xastanı däwalawların belderde. Älege çara 2013nçe yılda başlandı. Braziliyädä tabiblarğa ixtıyac zur buluı säbäple, başqa illärdän 15 meñ mediśina xezmätkären kitertü qararı çığarılğan ide.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde