Liviya konferenśiyası yomğaq beldergese

Yomğaq beldergesendä Liviya Wäkillär parlamentı raslağan berdänber, berläşkän, kiň qolaçlı häm täêsirle xökümätneň tözelüeneň xuplanuı assızıqlanıp, Liviya säyäsi kileşüeneň säyäsi çişeleş öçen möhim yul kartası buluına basım yasaldı.

"Üzäk häm grajdan avtoritet kontrolendä berläşkän Liviya milli iminlek sistemasınıň tözelüen yaqlıybız”, - dip äytelgän beldergedä bu qısada poliśiya häm xärbi köçlärneň berdänber avtoritet astında berläşüeneň zarurlığı assızıqlandı.

Beldergedä utnı tuqtatunıň ütälüen kontrol’ itäçäk häm küzätäçäk texnik komitetlarnıň tözelüe öçen Berläşkän Millätlär Oyışmasına çaqıru yasalğan bulsa, ber ük waqıtta BMOnıň taraflar arasında utnı tuqtatu söyläşülären ciňeläytüçe rol’ uynawı soraldı.

Beldergedä: "Ut tuqtatılğannan soň taraflarnı häm yaqlawçıların xärbi êşçänleklären tuqtatırğa çaqırabız”, - dip äytelde.

Liviyada böten taraflarğa irekle, kiň qolaçlı häm ğadel saylaw belän küçeş barışın tämamlaw öçen çaqıru yasalğan beldergedä: "Liviyalılar alıp barğan kiň qırlı säyäsi barışqa” qabat qaytu taläbe citkerelde.

Beldergedä: "Berlin sammitınnan soň BMO qarşında koordinaśiyanı däwam itü öçen Xalıqara küzätü komitetın oyıştırabız”, - dip äytelde.

Berlin konferenśiyasında qatnaşqan böten taraflar häm xalıqara oyışmalar keräçäk Komitetnıň BMOnıň äydäp baruçanlığında koordinaśiyası täêmin iteläçäge äytelgän beldergedä yuğarı däräcäle räsmilärneň qatnaşuında aylıq cıyılaçaq Komitetnıň belgeçlär däräcäsendä dä 4 texnik êş törkemenä iyä bulaçağı citkerelde.