“Liviyadağı yaqlar arasında älegä qatğıy häm citdi dialog yuq”

Rusiya Federaśiyäse tışqı êşlär ministrı Sergey Lavrov Liviya temalı Berlin konferenśiyäseneñ bik faydalı bulsa da Liviyadağı yaqlar arasında älegä qatğıy häm citdi dialog täêmin itelmäwen belderde.

Ul bu xaqta Germaniya başqalası Berlindağı konferenśiyädän soñ matbuğat äğ’zalarına yasağan belderüendä citkerde.

Sergey Lavrov Rusiyäneñ konferenśiya näticäsennän qanäğät’ qaluın belderep, “Ğomumän alğanda konferenśiya bik faydalı buldı,älbättä bu mäs’äläne liviyalılar xäl itäçäk, soñğı qararnı alar biräçäk. Ämma Liviyadağı yaqlar arasında älegä citdi dialog yuq. Fiker törlelege bik küp” dide.

Rusiya Federaśiyase tışqı êşlär ministrı beldergedäge täq’dimnärneñ xalıqara cämğiyät’ täq’dimnären beraz ğına bulsa da qanäğätländerüen belderep, bu şartlarnıñ Liviyadağı yaqlarnı söyläşü östälenä utırtaçağın häm kileşülär täêmin iteläçägen citkerde.