Mäçet işegendä - duñğız başı
Germaniyädä islamafob beräw mäçet işegenä duñğız başı êlä
1743414
Germaniyäneñ Dordmund şähäre Êving rayonında kem ikäne bilgesez beräw Diniyä êşläre törek islam berlegenä qarawçı mäçetneñ işegenä duñğız başı êlgän. Bu xaqta ğıybadätxanäneñ sośial’ media akkauntında yazıldı. Anda älege ğamälneñ “rasaçıl häm cirängeç” buluı assızıqlana.
Belderüdä islamofobiyaneñ häm çiktän tış uñçılarnıñ Dortmund xalqınıñ tınıçlıqta yäşäwlärenä kirtä bula almayacağı äytelä.
Waqıyğadan soñ Êving rayonı mêrı Oliver Stens häm Tön’yaq Reyn-Vestfaliya töbäge deputatı Volkan Baran mäçetkä barıp xäl beleşä.
Qurqınıçsızlıq kameralarınnan alınğan videoda kiçä irtän säğat’ 4 tulıp 32 minutta ber keşeneñ mäçetkä kilep işegenä duñğız başı êlüe häm şunda fotoğa töşüe kürenä.
