Qaçaqlarğa kompensaŝiya tüläyäçäk
Vengriya sıyınu mörӓcӓğate yasağan 2 qaçaqnı Serbiyağa kire cibӓrgӓn ide
1310711
Awrupa keşe xoquqları mӓxkӓmӓse Vengriyane sıyınu mörӓcӓğate yasağan 2 qaçaqnı Serbiyağa kire cibӓrgӓne öçen 28 meň yevro külӓmendӓ kompensaŝiya tülӓrgӓ xökem itte.
Awrupa keşe xoquqları mӓxkӓmӓse 2015 yılnıň 15 sentӓbr’ könne Vengriya-Serbiya çigendӓge tranzit töbӓktӓ sıyınu mörӓcӓğaten yasağan, lӓkin 3 atnadan soň mörӓcӓğat’lӓre Vengriya xökümӓte tarafınnan kire qağılıp, Serbiyağa kire cibӓrelgӓn ike Bangladeş watandaşı açqan mӓxkӓmӓ êşennӓn soň qararnı açıqladı.
Mӓxkӓmӓ Vengriyaneň mörӓcӓğat’ yasağan ike keşene Serbiyağa kire cibӓrü belӓn Awrupa keşe xoquqları kileşüeneň ğazaplaw hӓm keşesez totış kürsӓtüne tıyuçı maddӓsen bozuına xökem qıldı.
Qararğa kürӓ Vengriya mӓxkӓmӓgӓ birüçelӓrgӓ 28 meň yevro külӓmendӓ kompensasiya tülӓyӓçӓk.
