Qıtaydağı "serle çir" êpidemiyä däräcäsendä

Qıtaynıñ Vuxan şähärendä dekabr’ ayında kilep çıqqan yaña yoğışlı çir qurqınıç däräcägä citä başladı. Annan ülüçelär sanı 9 buldı.

Älege çir şul uq Qıtayda 2002-2003nçe yıllarda kilep çıqqan atipik üpkä yalqınsınuına 80% oxşağan. Ämma bu yaña tip koronavirus.

Yoğışlı awıru älegä qadär 440 keşedä raslandı. Alar belän êlemtägä kergän 2 meñ 197 keşeneñ 1394e küzätügä alındı.

Virus Vuxan şähärennän Qıtaynıñ başqa şähär häm töbäklärenä kitüçelär arqılı taralğan. Başta anı yoğışlı tügel dip beldersälär dä, tiz arada monıñ yalğış buluı açıqlandı.

Dekabr’dän birle virus Pekin, Şanxay şikelle zur şähärlärgä küçte häm başqa illärgä tarala başladı. Bik küp däwlätlär Qıtaydan kilüçelär öçen aêroportta centekle tikşerülär kertte.

Virusnıñ älegä vakśinası yäisä daruı tabılmadı.