Raştua mäclesennän soñ 120 keşedä Omikron çıqqan
Osloda 18nçe noyabr’dä uzğan çarada Kön’yaq Afrikadan êşlekle säfärdän qaytuçılar bulğan
Norvegiyä başqalası Oslodağı ber restoranda Raştua aş mäclesendä qatnaşqan 120 keşedä koronavirusnıñ Omikron variantı açıqlandı.
İlneñ xalıq sälamätlege institutı xäbär itkänçä, 18nçe noyabr’dä uzğan çarada Kön’yaq Afrikadan êşlekle säfärdän qaytuçılar bulğan. Yaña variantnı da alar tarata.
Oslo mêriyäse 18nçe noyabr’dä älege restoranda buluçılarnı üzläre belän êlemtägä kerergä çaqırdı.
Norvegiyä sälamätlek saqlaw idaräse mödire urınbasarı Êspen Rostrup Nakstad isä Omikron variantınıñ östenlek birüen belderä.
“Omikronnıñ simptomnarınıñ ciñelçä buluı häm awırtunıñ bik sizdermiçä uzuı xaqında xisap birelä. Ägär bolay bulsa, keşelärne citdi räweştä xastalandırmıyça häm sälamätlek saqlaw sistemasına awırlıq kitermiçä Kovid-19ğa qarşı kiñ immunitetqa ireşü yulı açılırğa mömkin. Bez telägän näticä dä şul,”-dide ul.
