Rusiyägä dron höcümnäre bulğan
Voronej, Smolensk häm Lipeśk töbäklärendä dronnar bärep töşerelgän
Rusiyä Federaśiyaseneñ Voronej, Smolensk häm Lipeśk töbäkläre citäkçeläre Ukraina dronnarınıñ bärep töşerelüen citkerde.
Smolensk ölkäse gubernatorı Vasiliy Anoxin “Telegram”da Ukraina keşesez hawa apparatlarınıñ höcümnärenä duçar qaluların açıqladı.
Anoxin tübändägeçä yazdı: “Doşmannıñ ênergiya qorılmalarındağı grajdan strukturalarına höcüme näticäsendä Smolensk häm Yarśevski rayonnarında yanğın çıqtı.”
Lipeśk gubernatorı İgor’ Artamonov ta ber keşesez hawa apparatınıñ sänägät’ qorılmasına töşüen Telegram kanalında yazdı. Artamonov yaqın tirädäge öylärdä yäşäwçelärneñ êvakuaśiyalänüen, waqıyğada yaralanuçınıñ bulmawın citkerde.
Voronejdağı neft’ êşkärtü zavodında çıqqan yanğın belän bäyle bularaq başta räsmi açıqlaw yasalmadı. Fäqat’ sośial’ säxifälärdä şahitlar urtaqlaşqan video yazmalar urın aldı. Annarı töbäk citäkçelege 4 keşesez hawa apparatınıñ töşerelüen häm ber binada yanğınnıñ çığuın belderde.
