Semeru haman ata

İndoneziyanıñ Könçığış Yava töbägendäge Semeru yanartawında şimbä könne bulğan şartlawdan ülüçelär sanı 14kä citte.

3 meñ 676 metr biyeklektäge vulkan bügen qabat attı. Şul säbäple êzläw-qotqaru êşläre tuqtatılıp tora.

Belgeçlär yanartaw tiräsendä äle haman xätär buluın, şunlıqtan annan yıraq torırğa kiräklegen citkerä.

Şimbä könne Semeru atqannan soñ anıñ tirä-yünendäge awıllar quyı töten häm köl belän qaplandı, qarañğılıqqa çumdı. İlneñ ğadättän tış xälär idaräse wäqalätlese Abdul Muxari 13 keşeneñ hälaq buluın häm 98eneñ yaralanuın xäbär itkän ide. Soñınnan tağın ber keşeneñ ülüe bilgele buldı häm älege san 14kä citte.