Somali yärdämgä çaqırğan

Somali xökümäte häm xalıqara yärdäm oyışmaları 2019 nçı yılda 3 million 400 meñ somalilı öçen 1 milliard dollar külämendä yärdäm kiräklegen beldergän.

Bu xaqta xökümät häm ildä êşçänlek başqaruçı yärdäm oyışmaları äzerlägän 2019 nçı yılğa humanitar yärdäm planında äytelgän.

Älege planda klimat şartları ,bäreleş häm yäşägän cirlärennän mäcbüri räweştä cibärelüneñ millionnarça keşeneñ tormışına tiskäre yoğıntı yasawı assızıqlana.

 Planda 2018 nçe yılda humanitar yärdämgä moxtac keşe sanınıñ 6 million 200 meñ buluı, yawım-töşemnärneñ daimi buluı säbäple bu sannıñ kimüe häm 4 million 200 meñ keşe täşkil itüe citkerelgän.