"Törkiyä - NATO öçen bik ähämiyätle"
Stoltenberg Törkiyäneñ NATO öçen ähämiyäten añlaw öçen kartağa qararğa quştı
NATO ğomum särqatibe Yens Stoltenberg Törkiyäneñ ittifaq öçen bik ähämiyätle däwlät buluın belderde. Ul bu xaqta franśuz telendä çığuçı “Le Figaro” gazetına interv’yu birde. Anda Stoltenberg Franśiyä ilbaşı Êmmanuêl’ Makronnıñ “NATOnıñ baş miye ülde” süzlärenä qarata fikeren citkerde.
“NATO iminlek mäs’älälärendä tormışçan ähämiyätle. Här könne 1 milliardqa yaqın keşene yaqlap häm saqlanuğa iñ zur öleş kertüne distälägän yıllar däwam itep monı isbatladı,”-dide ittifaqnıñ citäkçese.
Stoltenberg “Solıx çişmäse” xäräkäte turında da süz quzğattı.
“Törkiyä berlektäşlärenä bazaların qullanırğa röxsät itep terrorçı oyışma DEAŞ belän köräştä qatnaştı. Ul NATOnıñ Süriyä häm Ğıyraq belän çiktäş berdänber däwläte. 3 million 600 meñ migrantnı üzendä tota. Törkiyä - NATO öçen bik ähämiyätle. Monı añlaw öçen kartağa qaraw häm ilneñ geostrategik urnaşuın kürü citärlek,”-dide ul.
Stoltenberg NATO belän Awrupa Berlegeneñ ber-bersenä köndäş bulmawın, ikese arasında saylaw xälendä qalmasqa kiräklegen iskärtte.
