Tunis İlbaşı xökümätne tözü wazıyfasın birde

Tunis İlbaşı Kays Said êlekke Finans ministrı İl’yas äl-Fahfahnı xökümätne tözü belän wazıyfalandırdı.

İlbaşı idaräsennän yasalğan yazma belderüdä: "Fahfah 21nçe ğinwar’dän başlap ber aylıq waqıt êçendä xökümätne tözü belän wazıyfalandırıldı”, - dip äytelde.

“Xezmät häm irek öçen demokratik blok” partiyasınnan İl’yas äl-Fahfah baş ministr Hamadi äl-Cibali xökümätendä 2012nçe yılnıň dekabr’ belän 2013nçe yılnıň mart ayı çorında Finans ministrı wazıyfasın başqarğan ide.

İlbaşı Said moňarçı üktäbr’ ayında ütkärelgän ğomum saylawnı berençe bulıp ciňgän “Nahda” xäräkäteneň namzäte Habib äl-Cämline xökümätne tözü belän wazıyfalandırğan ide.

Fäqät Cämlineň kabinet isemlege 10nçı ğinwar’dä parlamentta ütkärelgän tawışqa quyuda ışanıç kvotasın ala almağan ide.