Utrawda yäşäwçe qalmayaçaq

Filippinnarda 12nçe ğıynvarda atqan Taal yanartawı urnaşqan Volka utrawında yäşäwçelär annan bötenläygä küçenäçäk.

Êçke êşlär ministrı Êduardo Ano beldergänçä, Taal küle êçendäge älege krater urtawında 4 awıl bar häm anda 6 meñ ğailä yäşi. Alarnı küçerep qabar urnaştıru öçen federal’ xökümättän urın sorağannar.

Utrawnıñ “milli park” statusında buluı säbäple anda, ğadättä, daimi cirläşü qorılmasqa tiyeş. Bolar borınğıdan birle biredä yäşäwçelär, şuna kürä maxsus röxsätläre bar. Ämma yanartaw arqasında cirle xalıqnıñ ğomere qurqınıç astında häm küçenüläre şart.

Taal yanartawı 1965nçe yılda atqanda cirlektä yäşägän 200dän artıq keşeneñ ğomere özelgän. 12nçe ğıynvardağı şartlawdan soñ isä annan çıqqan köl häm töten 56 çaqrım yıraqlıqta başqala Manilağa qadär barıp citte.

Taal, dön’yadağı iñ keçkenä yanartaw bulsa da, Filippinnardağı 24 aktiv vulkan arasında urın ala.