Xusilär höcümendä ülüçe sanı 87gä citte
Şähärdäge mediśina ob’yektları, üle häm yaralı sanı küp buluı säbäple, çiktän tış tulğan.
Yämändä İran taraflı xusilärneñ Marib şähärendä xökümätneñ xärbi bazasına oyıştırğan hawa höcümendä ğomere özelüçelärneñ sanı 87gä citte.
Xärbi çığanaqlardan alınğan mäğ’lümatlarğa qarağanda, tağın 30 keşe yaralı. Alarnı töbäktäge xastaxanälärgä salğannar. Qayberläreneñ xäle bik awır.
Maribtağı Äl-Xäyä xastaxanäse wäkilläre ülüçelärneñ kübeseneñ şäxesläre açıqlanmawın belderä. Şähärdäge mediśina ob’yektları, üle häm yaralı sanı küp buluı säbäple, çiktän tış tulğan.
Xökümätkä bäyle çığanaqlar citkergänçä, xusilär tarafınnan oyıştırılğan höcüm qorallı keşesez hawa apparatı belän yasalğan.
Annan aldağı könne Yämän armiyäse Näxäm rayonındağı ğaskäri noqtalarğa höcümgä xäzerlängän xusilärgä qarşı profilaktika operaśiyäse ütkärde. Bäreleştä 23 xusi suğışçısı üterelde, 3 xärbi hälaq buldı.