Yämängä mediśina yärdäme

Bötendönya sälamätlek saqlaw oyışması Yämänneñ 11 qalasına mediśina yärdäme cibärelüen belderde.

Älege şähärlärdäge 18 xastaxanäneñ aşığıç yärdäm bülege häm 11 laboratoriya mediśina kiräk-yaraqları häm darular belän täêmin itelgän.

Bu yärdämnär öçen 3 million 200 meñ dollar aqça sarıf itelgän.

Ozaq waqıt säyäsi torıqsızlıq xökem sörgän Yämändä İran yaqlaw kürsätüçe xusilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.  

Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ mart ayınnan birle xusilärgä qarşı Yämän xökümätenä yaqlaw kürsätä.

Yämändä küzätelgän bäreleşlärdä xäzerge waqıtqa qadär meñnärçä keşeneñ ğomere özelde.

Dönyanıñ iñ fäqir’ illäre arasında urın alğan Yämändä watandaşlar suğışı säbäbe belän humanitar krizis ta küzätelä.

Yämändä 22 millionnan kübräk keşe humanitar yärdämgä moxtac.