Yaponiya Tön’yaq Koreyanıñ qıytğalarara raketa cibärä aluın alğa sörä

Yaponiya saqlanu ministrı Kişi Nobuo oyıştırğan matbuğat oçraşuında Amerika Quşma Ştatları İlbaşınıñ Aziya säfärenä turı kiläçäk könnärdä Tön’yaq Koreyanıñ qıytğalarara ballistik raketa oçırta alaçağın äytte.

Tön’yaq Koreyanıñ yıl başınnan birle 15 tapqır raketa sınawın ütkärüen xäterlätüçe Kişi Nobuo: "(Pyongyangnıñ) äzerleklären tämamlağan çaqta ozın radiuslı raketa sınap qarawları belän bergä provokativ êşçänlegen arttıra alaçağın” iskärtep uzdı.

Pyongyang citäkçelegeneñ "qoral qamilläşterü programmasın däwam itterüen” maqsat itüen citkerüçe Kişi Nobuo ileneñ buluı mömkin sınawlar belän bergä töbäktäge êşçänlegen AQŞ belän xezmättäşlek nigezendä alıp baraçağın belderde.

“Kyodo” agentlığı 2017nçe yılnıñ noyabr’ ayınnan soñ Tön’yaq Koreyanıñ berençe tapqır uzğan ayda qıytğalarara ballistik raketa sınap qarawın iğ’lan itte.

Amerika Quşma Ştatları Milli iminlek kiñäşçese Djayk Sallivan da Baydennıñ Aziya säfäre waqıtında Tön’yaq Koreyanıñ ozın radiuslı ballistik raketa häm atom-töş sınawların ütkärä alaçağın açıqlağan ide.

Baydennıñ 20nçe-25nçe mayda Kön’yaq Koreyağa häm Yaponiyağa säfär yasawı, 24nçe mayda Tokioda oyıştırılaçaq Quad Liderlar sammitında qatnaşuı kötelä.