Yawlıqlılar kerä ala

Katolik franśuz uqu yortı yawlıqlı qızlarnı da qabul itäçäk

1268374
Yawlıqlılar kerä ala

Senegalda yawlıqlı uquçılarnı qabul itmäwçe katolik franśuz uqu yortı Sênt Janna d’Ark institutına xökümät kisätü yasadı. Ägär tıyunı ğamäldän çığarmasalar, belem birü yortı yabılaçaq yäisä tartıp alınıp başqa idarä astına bireläçäk.

Cirle matbuğat çaralarındağı xäbärlärgä qarağanda, başqala Dakarda urnaşqan älege institut xökümätneñ kisätüennän soñ kiräkle qanuni tözätülär kertte. Däwlät wäqalätleläre belän uqu yortı idaräse kiçä uzğan söyläşüdä kileşügä bardı. İke yaqnıñ da rizalığı belän institut formasına yaraqlı yawlıq kiyü röxsäte çığarıldı. Uqu yortı idaräse bu turıda yawlıqlı uquçılarnıñ äti-äniläre belän ayırım-ayırım söyläşäçäk.  

Sênt Janna d’Ark institutındağı 1740 uquçınıñ 26sı yawlıqlı. Uqu yortı sentyabr’ başında alarnı kertmäyäçägen iğ’lan itep zur rizasızlıq dulqını quptardı.  

Dakarda monnan alda da Franśiyä qul astındağı Awrupa menedjment institutı bina êçendä namaz qılunı tıyğan ide.



Bäyläneşle xäbärlär