Yogurt gripptan saqlıy

Tikşerenülär tabiğıy yogurtnıñ yoğışlı awırulardan saqlawın açıqladı

1343988
Yogurt gripptan saqlıy

Yogurt häm anıñ suınıñ grip yäisä suıq tiyüsän saqlawı açıqlandı. Bu xaqta Törkiyäneñ Xatay Mostafa Kämal universitetınıñ mediśina fakul’tetı mikrobiologiyä kafedrası citäkçese, professor Nizami Duran belderde. Anıñ qul astında tikşerenü törkeme gripptan saqlanu belän bäyle ähämiyätle açış yasağan. Belgeçlär êçendä küpsanlı bakteriyälär bulğan yoğurt häm anıñ suı belän täcribälär ütkärgän. Professor bolay dip añlata.

“Yogurt bakteriyälären xaywannarda qullanıp şaqqattırğıç näticälärgä ireştek. Yoğışlı awırulardan saqlanunıñ iñ ähämiyätle öleşeneñ berse -  immunitet yasap çığaruçı immunoglobulinnar yäki antitänçeklär. Tikşerenülärdän kürengänçä, daimi räweştä yogurt bakteriyäläre belän tuqlandırılğan xaywannarda saqlawçı antitänçeklär ğadäti törkemdägelärdän 2dän başlap 10 tapqırğa qadär kübräk. Bu yoğurt aşawçılarnıñ grip häm başqa sulış yulı infekśiyälärenä qarşı 10 tapqır nığraq buluın añlata”.

Duran tikşerenüdä êçendä zur külämdä bakteriyä bulğan, kimendä 24 säğat’ oyıtılğan yoğurt häm anıñ suı qullanıluın citkerde.



Bäyläneşle xäbärlär