3 milliardernıñ baylığı Afrika xalqınıñ yartısınıqınnan kübräk

Alarnıñ qulında berniçä däwlätneke qadär aqça tuplanğan

1264346
3 milliardernıñ baylığı Afrika xalqınıñ yartısınıqınnan kübräk

Afrikada yarlılar häm baylar arasındağı çoñğıl şulqadär zur ki, qıytğadağı 3 milliardernıñ mölkäte tulayım 650 million keşenekennän kübräk.  

Angliyädä urnaşqan Oksfam şirkäte tarafınnan xäzerlängän “İke qıytğanıñ xikäyäse” isemle xisapta cirlektäge kerem ğadelsezlege assızıqlana. Anda yazılğança, barı tik 3 keşeneñ qulında 1 milliard 300 million xalqı bulğan Afrikadağı malnıñ yartısınnan artığı tuplanğan. Bolar - Forbsnıñ isemlegendä urın alğan êşmäkärlär Aliko Dangote, Niki Opengeymer häm İogann Rupert. Alarnıñ tulayım mölkäte 29 milliard dollarğa yaqın.    

Afrikalı baylarlarnıñ 75%ı aqçaların ofşor xisaplarda tota häm şul säbäple qıytğa yıl sayın 14 milliard dollarlıq salımnı yuğalta. Monnan tış, Afrika däwlätläre tigezsezlek, kolonial’ ütkän häm yış qına Xalıqara aqça fondı belän Bötendön’ya bankınıñ uñışsız iq’tisadi säyäsätläre şikelle küreneşlärgä qarşı torırğa tırışa.  

Xisapta Oksfam direktorı Vinni B’yanima da üzeneñ fikeren belderä. “Afrika üseşkä äzer, läkin liderları berniçä super baynı tügel, küplär öçen êşläwçe tağın da keşelekle iq’tisadnı östen kürü qıyulığına iyä bulğan waqıtta,”-di ul.

Bötendön’ya bankınıñ farazlarına qarağanda, 2030nçı yılğa Cir yözendäge yarlılarnıñ 87%ı Afrikada bulaçaq.



Bäyläneşle xäbärlär