Afrika illäre Franśiyädäge aqçaların kire ala
Franśuzlarnıñ êlekkege koloniyäläre Franśiyä üzäk bankında totıluçı rezervların tiz arada alaçaqların belderde
1302822
Könbatış Afrika däwlätläre Franśiyä üzäk bankında totıluçı aqçaların kire alu mäs’äläsendä kileşte. Bu xaqta Benin ilbaşı Patris Talon belderde. Ul franśuz matbuğatına birgän interv’yusında kolonial’ valyuta KFA frankınnan yaña aqça berämlege êkoğa küçüçe Könbatış Afrika däwlätläreneñ Franśiyä üzäk bankında totıluçı rezervların tiz arada alaçaqların söyläde. Talon monıñ qayçan bulaçağın tögäl äytmäde. Franśiyädän alınğan aqçalar törle berlektäş illärneñ üzäk banklarına saqlawğa quyılaçaq.
Êlek Franśiyä koloniyäläre bulğan 14 Afrika däwlätendä 1945nçe yıldan birle KFA frankı qullanıla. Ul qıymmäten yuğaltmasın öçen yevro belän nığıtılğan xäldä.